კურსის შესახებ

 კურსის მიზანი

ტრენინგ კურსის მიზანია საქართველოს სკოლების მასწავლებელთა კვალიფიკაციის ამაღლება ინფორმაციულ-საკომუნიკაციო ტექნოლოგიების ათვისებისა და გამოყენების კუთხით, რაც ხელს შეუწყობს სასწავლო პროცესში ისტ-ს ინტეგრირებას ესგ-ის მოთხოვნებისა და პრინციპების შესაბამისად.

სამიზნე ჯგუფი

კურსის სამიზნე ჯგუფს წარმოადგენენ საქართველოს საჯარო სკოლების მასწავლებლები.

კურსის ხანგრძლივობა

კურსის სრული ხანგრძლივობაა 8 სამსაათიანი ტრენინგი

მეთოდები

კურსის მსვლელობა აგებულია აქტიური სწავლების ისეთ ფორმებზე, როგორიცაა: აქტიური ლექცია, დემონსტრირება-მართული პრაქტიკა-დამოუკიდებელი ვარჯიში და სხვ.
ტრენინგის სესიების ორგანიზების ფორმები: ინდივიდუალური, წყვილური, ჯგუფური მუშაობა.

პროგრამული უზრუნველყოფა

MS-Office 2007, OpenOffice, ინტერნეტ ბრაუზერი, Google ინსტრუმენტები (საძიებო სისტემა, ელ-ფოსტა).

კურსის შედეგები

კურსის წარმატებით გავლის შემდეგ მონაწილე:

• შეძლებს დამოუკიდებლად კომპიუტერის ჩართვას და გამორთვას უსაფრთხო რეჟიმში;
• შეძლებს ისაუბროს და განასხვავოს კომპიუტერის ძირითადი და დამხმარე მოწყობილობები;
• შეძლებს ფანჯრებში და ამოცანების პანელზე მუშაობას;
• შეძლებს საქაღალდეებსა და ფაილებზე მუშაობას;
• შეძლებს ფაილების ტიპების ამოცნობას;
• შეძლებს ტექსტურ რედაქტორში მუშაობას (დოკუმენტების შექმნა და ფორმატირება, ცხრილების შექმნა, გრაფიკული ობიექტების ჩასმა, დოკუმენტების შენახვა (ოპერაციულ სისტემასთან თავსებადობის გათვალისწინებით);
• შეძლებს შემნახველი მოწყობილობების გამოყენებას;
• შეძლებს საბეჭდი მოწყობილობის გამოყენებას;
• შეძლებს მსგავსი ამოცანების იდენტიფიკაციას სხვადასხვა საოფისე პროგრამაში;
• შეძლებს ელექტრონულ ცხრილებზე მუშაობას (უჯრაში მონაცემთა ტიპების გარჩევა, უჯრის ფორმატირება, ფურცლებზე მუშაობა, უჯრებზე არითმეტიკული ოპერაციების შესრულება);
• შეძლებს ინტერნეტის გამოყენებას პროფესიული საქმიანობისათვის (პროფესიული ინფორმაციის მოძიება, შენახვა);
• შეძლებს კომუნიკაციას ტექნოლოგიების საშუალებით (ელ-ფოსტით სარგებლობა).

შედეგი თვალსაჩინოა, თუ მონაწილეს:

• შეუძლია ტექსტებზე მუშაობა, გრაფიკული ობიექტებით გამდიდრებული საგნობრივი ტესტის შექმნა;
• შეუძლია ინტერნეტში ინფორმაციის მოძიება და მისი გამოყენება სასწავლო პროცესში;
• შეუძლია ელექტრონული ფოსტის გამოყენება;
• შეუძლია ცხრილებზე მუშაობა;
• შეუძლია ინფორმაციის გარე მატარებლების განსხვავება და მათი გამოყენება.

სერთიფიცირების პირობები

• მინიმუმ 18 სთ-ზე დასწრება;
• კურსის დასრულების შემდეგ დავალების წარმოდგენა ელექტრონულ ფორმატში.